Wedi’i agor ym mis Gorffennaf 1894, roedd Gwesty Avondale yn fenter gan westywr ac arlwywr lleol, Richard Palethorpe Culley, a oedd eisoes yn rhedeg y bwyty yn adeilad yr Exchange gerllaw, yn ogystal â sawl busnes arall yng Nghaerdydd a thu hwnt. Wedi’i ddylunio gan E W M Corbett, fe’i hadeiladwyd gan W Thomas & Co. Cafodd y gwesty ei chaffael yn ddiweddarach gan Crosswell’s Brewery, a ddaeth yn y pen draw yn rhan o’r grŵp Whitbread. Ar ôl iddo gael ei ddymchwel, mae’r safle nawr wedi’i feddiannu gan floc o fflatiau o’r enw Avondale Court.
Mae Clarence House, wrth gyffordd Hunter Street a Harrowby Lane, yn dyddio’n ôl i 1896. Ymddengys ei fod wedi cael ei ailadeiladu’n sylweddol ers y llun hwn o 1983. Mae wedi colli’r pediment addurniadol sydd i’w weld yn amlwg yn llun Mary Traynor. Yn fwy diweddar, mae’r enw Clarence House wedi’i fabwysiadu ar gyfer hen adeilad y Salvage Association yn Clarence Road.
David Webb, Gwirfoddolydd Archifau Morgannwg
Ffynonellau a ddefnyddiwyd:
- Casgliad Mary Traynor (cyf.: D1093/1/2)
- Cofnodion Heddlu Bwrdeistref Caerdydd, cynlluniau tai trwyddedig yng Nghaerdydd, 1897-1965 (cyf.: DCONC/6/4a-g)
- Newman, John: The Buildings of Wales – Glamorgan
- Cyfeirlyfrau amrywiol ar gyfer Caerdydd
- Evening Express, 7 Gorffennaf 1894
- http://www.bottledigging.org.uk/forum/PrintTopic358984.aspx
- http://www.savethecoalexchange.com/tag/r-p-culley/
Archifau Morgannwg 